Gamvik bibliotek

MONIKIELISET KIRJAT

Saamen kieli

Saamelainen biblioteekkipalvelus tekkee helpommaksi löytää tietoa uusista publikasjuuneista saamelaisista ja saamelaisten oloista, saamelaisesta litteratuurista, musiikista ja filmeistä. Jos löyvät kirjoja joita sinun biblioteekissä ei ole, niin saatat lainata täältä. Omala lainakortila voit tilata suorhaan bibsok.no:sta. Jos et löyvä mitä ettit, niin kysy apua omasta biblioteekistä.

Informaatiopalvelus oon Tromssan fylkinbiblioteekin tekemä. Sihtiryhmänä oon Tromssan biblioteekit.

Käy saamelaisessa biblioteekkipalveluksessa täältä.

Kväänin kieli

Haluatko olla ajan tasala kvääninkielisistä publikasjuuneista ja publikasjuuneista kväänien/ruijansuomalaisista oloista  kaikila kielilä? Kväänin bibiloteekkipalvelus oon sinua varten. Se muistellee uusista ja vanhoista kirjoista, artikkeleista, musiikista, filmeistä ja arkiivimateriaalista. Mainitelmat annethaan ulos norjaksi ja kvääniksi. Joka kolmas kuukausi tievot kovothaan uutispreiveihin. Nasjunaalisella lainakortila saatat itte tilata kirjoja ja filmejä bibsok.no:ssa. Jos et löyvä mitä hajet, niin ota kontaktia omhaan biblioteekhiin.

Finmarkun fylkinbiblioteekki laittaa sisälön ja oon eesvastuussa palveluksesta. Kainun institutti kääntää sisälön kvääniksi.

Käy kväänin bilblioteekipalveluksessa täältä.

Suomen kieli

Lujetko suomeksi? Oonko sulla halu lainata suomalaisia kirjoja, äänikirjoja eli filmejä? Sitä saatat tehä Suomalaisen kirjastopalvelun kautta. Nasjunaalisella lainakortila saatat itte tilata kirjoja ja filmejä Bibsok.no:ssa ja saa’a net lähätetty sinun omhaan lähibiblioteekhiin. Biblioteekeillä oon kans mahollisuus lainata kirjapaketteja pitkäksi aijaksi. Jos sulla oon kysymyksiä eli tarttet apua, niin lähibiblioteekki saattaa auttaa sinua.

Käy Suomalaisessa bilblioteekipalveluksessa täältä

Enämpi tietoa nasjunaalisesta lainakortista löyvät täältä

Ryssän kieli

Etelä-Varenkin biblioteekki oon hyvä paikka sulle joka lujet ryssän kieltä! Saatat lainata kirjoja heiltä ja noutaa net lähibiblioteekistä.  Haje ja tilaa suorhaan Biblioteksøkin nettisivuilta. Vuosien myötä tämä biblioteekki oon pykäny ylös Norjan isoimman kirjakokoelman ryssän kielelä, ja litteratuurikokoelman muillaki kielilä joka koskee Ryssänmaan oloja. Kokoelma oppdateerathaan koko ajan uusila titteleillä. Oon kirjoja lapsile, nuorile ja raahvaile.

Biblioteekit Finmarkussa saattaa tilata kirjapaketteja (depoottikokoelmia) lainattaviksi pitemmäksikin ajaksi.

Muita kieliä: Monikielinen biblioteekki

Voit kans lainata kirjoja monikielisestä biblioteekistä ja noutaa net meiltä. Monikielisestä biblioteekistä löyvät kirjoja, musiikkia, äänikirjoja ja filmejä 70: llä eri kielilä!

Ota meihin kontaktia taikka tilaa itte nasjunaalisella lainakortila. Biblioteekeillä oon kans mahollisuus lainata kirjapaketteja pitkäksi aijaksi.

Käy monikielisessä biblioteekki-kokoelmassa täältä.  

E-kirjat ja e-äänikirjat usseela kielelä

Mitä:  Mailmanbiblioteekistä sie löyät e-kirjat ja e-äänikirjat usseela kielelä, esimerkiksi puolan, arabian ja somaalin kielilä.  

Kunka mie pääsen siihen?  Mailmanbiblioteekissa oon osa Norjan ja Ruottin biblioteekiistä, ja sen maksaa staatti ja komuuni. Siksi oon ilmaista pittäät sitä. Laita kontun sinun e-postiadressila, lokkaa sisäle ja kuuntele. Silloin ko sie halluut, niin paljon ko tahot.  

Lenkki: https://verdensbiblioteket.no/